Deklarata e Trump: Mali i Zi, një shtet i vogël me njerëz të fuqishëm, agresivë mund të nisin Luftën e Tretë Botërore - Arbëria News

Deklarata e Trump: Mali i Zi, një shtet i vogël me njerëz të fuqishëm, agresivë mund të nisin Luftën e Tretë Botërore

Presidenti amerikan, Donald Trump ka thënë se malazezët janë të fuqishëm, dhe njerëz “shumë agresivë” duke treguar frikën e tij se anëtari më i ri i NATO-s mund të dërgojë aleancën në luftë masive.

Në një intervistë për televizionin Fox News të incizuar në Helsinki dhe të transmetuar më 17 korrik në Shtetet e Bashkuara, Trump është pyetur rreth Artikullit 5 të NATO-s, në të cilin thuhet se sulmi ndaj një anëtari të aleancës, është sulm edhe ndaj gjithë anëtarëve tjerë.

Kur është pyetur nga intervistuesi: “Pse duhet djali im të shkojë në Mal të Zi për ta mbrojtur atë vend nga sulmi?”, Trump ka thënë: “E kuptoj çfarë dëshironi të thoni, unë kam bërë të njëjtën pyetje”.

Ai ka thënë se Mali i Zi është “shtet i vogël me njerëz shumë të fuqishëm, ata janë njerëz të fuqishëm, njerëz agresivë. Ata mund të bëhen agresivë dhe përgëzime, ja ku kemi Luftën e Tretë Botërore”.

Në samitin e NATO-s, të mbajtur javën e kaluar, Trump u ka bërë thirrje vendeve anëtarë të rrisin shpenzimet e tyre për mbrojtje.

Mali i Zi është bërë anëtari i 29-të i NATO-s në qershor të vitit 2017, duke bërë një kthim historik drejt aleancës transatlantike në mesin e kundërshtimeve nga Rusia.

Moska ka kundërshtuar vazhdimisht zgjerimin e NATO-s dhe ka kritikuar ashpër Podgoricën për anëtarësim në aleancë./REL

You May Also Like

Leave a Reply

Your email address will not be published. Required fields are marked *

1 × 1 =