Skandal/ “Zhduken” 96 piktura të Galerisë së Arteve - Arbëria News

Skandal/ “Zhduken” 96 piktura të Galerisë së Arteve

96 piktura mungojnë në fondin e pasurisë kombëtare në galerinë e arteve.

Report Tv ka siguruar një listë të institucioneve të cilat nuk kanë kthyer pikturat pranë Galerisë kombëtare, piktura të cilat i kishin marrë në përdorim për ekspozim.

Mes këtyre institucioneve është Kryeministria, Ministria e Jashtme e Arsimit dhe deri tek ish-Kombinati i autotraktorëve “Enver Hoxha” apo Qendra Ndërkombëtare e Kulturës.

Sipas Galerisë humbja e këtyre pikturave është dokumentuar në nëntor të vitit 2015, po prej asaj kohe asnjë e tillë nuk është kthyer pranë këtij institucioni.

GKA nuk tregon autorët dhe vlerën e pikturave
Ajo çka mbetet mister me humbjen e kësaj pasurie kombëtare, është se çfarë vlere kanë këto piktura, kush janë autorët e tyre dhe si është e mundur që në institucione shtetërore të humbin pasuri kombëtare.

Asnjë përgjegjës
Report Tv është interesuar dhe pranë Prokurorisë së Tiranës ku galeria deklaron se ka bërë kallëzim, por nga ky hetim nuk ka asnjë përgjegjës.

Përgjigjja e GKA

Përshëndetje,

Në nëntor të vitit 2015, (kur përfundoi proçesi i kthimit të veprave të GKA, të cilat ishin shpërndarë në disa institucione kombëtare me qëllim ekspozimin ne mjediset e tyre) nga dokumentacioni përkatës, rezultoi se mungonin dhe figuronin te humbra 96 vepra arti.

Këto vepra ishin marë në përdorim nga institicionet në një hark kohor nga viti 1991 deri në vitin 1990. Disa nga institucionet ku rezultojnë të humbura 96 veprat janë:

Kryeministria
Ministrtia e Jashtme
Ministria e Arsimit
Qëndra Ndërkombëtare e Kulturës
Ish Komiteti për marrëdhëniet me botën e jashtme
Ish Komiteti i veteranëve të luftës
Ish Komiteti i partisë së rrethit
Ish Shtepia botuese “Naim Frashëri”
Ish Shtëpia e Kulturës Shkodër
Ish Shtëpia e Kulturës Gramsh
Ish Kombinati i autotraktorëve “Enver Hoxha” etj

Pas përfundimit të inventarit dhe plotësimit të dokumentacionit, Galeria Kombëtare e Arteve i kërkoi Prokurorisë së Tiranës të nis proçesin e hetimit për gjetjen e këtyre veprave.  /GazetaExpress/

You May Also Like

Leave a Reply

Your email address will not be published. Required fields are marked *

seven + sixteen =